Esta segunda edición das "NEG-Xornadas de educación e cultura tradicional" será do máis especial. Desenvolverase no Centro de Desenvolvemento Rural O Viso, en Lodoselo, un lugar cun encanto incomparable no que pasaremos unha fin de semana de convivencia, música, contos, baile, roteiros... do máis agradable.

A nosa intención é abrir novos campos, ou se cadra darlle valor a algúns menos coñecidos, de difusión da nosa cultura. Este é o caso do ensino regrado, onde xa se vén avanzando, pero aínda de maneira discreta.
Deste xeito, procuramos aportar coñecementos e ferramentas para que o profesorado en activo poida ver na cultura tradicional un recurso para o uso cotiá na súas aulas, procurando facer as aprendizaxes máis contextualizadas.

Obxectivos da actividade

- Poñer en valor aquelas experiecias que se desenvolven na actualidade nas aulas galegas.
- Valorar diferentes recursos educativos existentes en relación á cultura tracicional e a súa relación coa natureza.
- Coñecer o sentido de introducir este tipo de prácticas vinculadas á cultura tradicional na escola.
- Constituír novos núcleos de dinamización do patrimonio inmaterial galego.

Comité organizador:
Marcos Botana García (mestre substituto)
Xiana Lastra Pernas (música e produtora)
Marta Otero García (mestra educación musical)
Alexandre Sotelino Losada (Universidade de Vigo - GI Esculca USC)